Video
Read full review
2024-06-01
438 views
強記小食，魚蛋ok，燒賣真心唔好食，職員態度就同現今香港的士業有得媲美咁親切，可能係學左五条悟老師嘅「無下限術式」，態度一樣「無下限」話說今日2024年5月28日放工經過買左一串魚蛋一串燒賣醫肚，串燒賣阿姐拎俾我時求求其其浸佢桶豉油，攪到最後一粒浸唔到仲係白晒晒，我望左佢枱面又無額外豉油樽比我補飛，唯有打算好似阿姐咁成串快快手再浸浸個豉油桶加啲色，依個時候入面睇場個金髮中年一個隔手用力推開我隻手，再用一把叫你過住聲線講左句「你當自己屋企牙？要就開聲啦！」，拿，行過路過仲要後巷舖污污糟糟嘅地方食串魚蛋燒賣，本來就都預左俾啲下等服務架喇，甚至乎粗聲氣啲對我講句「唔好自己浸豉油」我都好OK，始終每檔街邊檔都運作唔到，不過當你選擇同啲客激情交流，鬧啲客話我當左佢檔污糟邋遢嘅巷仔魚蛋檔係自己屋企就真係「江華JPEG」對自己太有自信喇，，阿老哥你仲要著住件寫住大大隻中文字「多多指教」嘅Tee開工，我都覺得你好有喜感🙃係呀我係話你呀，金髮中年，開工鬧客呢就真係無問題架，做香港飲食業有邊個唔係一路用一幅「食定唔食唔食就咪食快啲過住咪阻住晒我吉住間舖無生意咁玩手機」嘅面口對客，一路又鬧啲香港人唔消費啲客
話說今日2024年5月28日放工經過買左一串魚蛋一串燒賣醫肚，串燒賣阿姐拎俾我時求求其其浸佢桶豉油，攪到最後一粒浸唔到仲係白晒晒，我望左佢枱面又無額外豉油樽比我補飛，唯有打算好似阿姐咁成串快快手再浸浸個豉油桶加啲色，依個時候入面睇場個金髮中年一個隔手用力推開我隻手，再用一把叫你過住聲線講左句「你當自己屋企牙？要就開聲啦！」，拿，行過路過仲要後巷舖污污糟糟嘅地方食串魚蛋燒賣，本來就都預左俾啲下等服務架喇，甚至乎粗聲氣啲對我講句「唔好自己浸豉油」我都好OK，始終每檔街邊檔都運作唔到，不過當你選擇同啲客激情交流，鬧啲客話我當左佢檔污糟邋遢嘅巷仔魚蛋檔係自己屋企就真係「江華JPEG」對自己太有自信喇，
，阿老哥你仲要著住件寫住大大隻中文字「多多指教」嘅Tee開工，我都覺得你好有喜感🙃
係呀我係話你呀，金髮中年，開工鬧客呢就真係無問題架，做香港飲食業有邊個唔係一路用一幅「食定唔食唔食就咪食快啲過住咪阻住晒我吉住間舖無生意咁玩手機」嘅面口對客，一路又鬧啲香港人唔消費啲客唔俾啲臭錢我賺丫，之但真係真係真係唔好再著住件「多多指教」Tee開工喇，攪到依4個字意像cheap晒之餘，亦攪到你表裡咁不一就唔好啦，話晒你咁有型大力格手再鬧客喎🙃俾人見到你著「多多指教」Tee覺得你有服務有態度咁就唔係咁好啦
Post