Wagyu Ya (Closed)

話說今日有事要到尖沙咀處理，係件開心事處理好後好開心咁諗住搵間好啲既鋪食餐好既，上開飯網見到呢間好多好評，於是就試吓啦點知由6點半開始坐低，睇menu見到好多都好似好吸引當時得我一枱客人由選擇恐懼症既我揀完一輪，滿心歡喜，期待美味可口的食物會好快送到，點知等下等下，由小小肚餓到 餓到打鼓🥁，望下個鐘原來已經8點😱😱🥶🥶我以為我餓到眼花😵‍💫望真啲真係8點。。我見到全店得一個男侍應，好殷勤而快速地處理樓面事項，送餐，講解食物，甚至乎都見到幫客人燒肉，雖然戴住口罩但都感覺好專業，面帶笑容，而且很有耐性，態度很好👍🏻因為我都等到很燥，我都知道食物遲上唔關樓面事，但面對我的質問，該男侍應還是很好態度，而且還盡力提出很多好的方案 係呢度真的要贊贊他，真的，今時今日做服務行業真心唔易，尤其係飲食業。餐廳整體還好，如果食物能夠快啲出餐，同和牛三文治🥪唔好再整到咁多油的話，將來都會再來試吓既。。。始終呢個價錢要對得住呢個質素。