富豪坊

Open Now

Now Closed

知道換左大廚，特登走嚟試下菜...本身做緊優惠，有個set每位$269，有好多道菜，菜式也不差，但無奈我有兩位老人家胃口比較細，所以叫左普通既dinner set，有2款前菜，1款湯，3款主菜，1款飯/粉，甜品...（原諒我未能提供完整的菜式名）前菜：冰鎮芭樂味道酸酸甜甜（應該係用醋+蜜糖），幾開胃，估唔到芭樂都有咁既整法蔥花卷開頭以為係類似包既點心，原來係炸既，樣子似好油，但食落一啲都唔油膩，好好食！湯：海鮮酸辣羹依個真係不得不讚，好足料！酸辣味調控得好好，唔會太酸太辣，讚主菜：炸子雞本來係要古法燒雞，但售罄，所以轉左炸子雞，但都不錯，雞肉都嫩滑，皮都夠脆白玉釀珍菌賣相一流，心型既蘿白，上菜果刻，我仲以為係隔離台，咁靚！但可能蒸得太短時間，珍菌的味道沒有滲入蘿白中龍蝦汁蛋白蒸班球班球一啲都唔腥，龍蝦味道又無搶左班球的鮮味，蛋白加上龍蝦汁一流我地簡左伊麵，並不是傳統果隻伊麵，這款比較幼身，似公仔麵既質感，但抄得不太油同乾身，味道不差甜品係紅豆沙加馬蹄露，紅豆沙不太甜，馬蹄露就比較甜了一點。