頂好海鮮酒家

Open Now

Now Closed

一家人食個飯，又吾想在家附近，於是就提議去尖沙嘴頂好，因爲平時搭車出尖沙嘴都會見到，在彌敦道地牢的一間酒家，感覺好神秘，老豆話歷史超過30年，又見好多名人幫襯，好似有d 信心，訂了8時，早左幾個字到，雖然擡有幾張，但係部長就係都要我地等，呢下就吾係太爽。不過，後來解釋因爲在埋邊一擡執緊所以要我地等，個位置都幾好，條氣即時順番少少。屋企老人家多，一行5人，為免麻煩，就點了4人套餐，然後再加個送就算數。最搞笑個副部長一埋黎就問我地飲吾飲湯，但係我地話叫套餐的時候就話幾個湯賣曬。。。有點滴汗。。。。最後都有個燉湯比我地。套餐都係大路野，燒味拼盤有水準，足料之餘，感覺新鮮，叉燒半肥瘦，海蜇尤其是彈牙，讚。其他分量都好大碟，比起而家出面好多酒樓，價錢加左，碟頭細左，呢樣值得一讚。反而另外加的一個黑豆豆腐魚滑煲，有驚喜，黑豆燜得軟硬剛剛好配合魚滑的質感，分量飽足，無名貴野但食到好味道總括來講，舊式酒家始終有其經營之道。