初味 (Moved) New Location

朋友約我去咗天后食飯，問佢點去，佢叫我喺天后站出，話行一陣就到架啦。好彩我睇咗地圖先，其實應該喺炮台山站出會行得小D，不過都唔係差太遠嘅。如果我真係要行多好多冤枉路我實要佢請我食呢餐呀。點咗西班牙燒乳豬、黑松露意大利飯配北海道帶子、 香草牛油焗磨菇田螺、沙律。乳豬完全唔覺得有肥嘅感覺，燒到皮下完全無脂肪咁，皮脆到好似食薯片，D肉仲要係好嫩滑。意大利飯好濃黑松露味，D飯煮到啱啱好，唔會太正宗，始終食唔慣太硬嘅飯。