Video
Read full review
2014-11-17
3361 views
HEITI'S House。熱。年尾清假，响屋瞓醒已經12點，於是順理成章將早餐同午餐合併。唔想去咁遠，於是揀附近餐廳。隔離嗰間Houston就幫襯得多，成日想試HEITI'S，今日終於有機會。去到未夠下晝一點，唔使諗一定揀扒，叫咗個澳洲安格斯肉眼餐，加多$10要哂餐湯同沙律唔使二選一。餐包、湯、沙律一次過上哂。首先食餐包，微暖，外皮煙韌帶芝士鹹香，不錯。沙律係正常嘅橄欖油加醋，食落都新鮮。是日餐湯意大利雜菜湯，雖然夠濃稠唔係稀冷冷，但唔知點解得鹹味，飲咗一半已經唔想繼續，放低冇耐服務員乜都冇問冇講就收咗碗湯😱到上扒，明明order medium rare，但我懷疑服務員聽錯，結果變咗medium well。食落雖嚡但還算有肉味，黑椒汁冇乜黑椒味但調味唔會過鹹。伴菜炸薯角普通冇特別但我嫌薯仔唔夠粉身。食完扒再加幾粒薯已飽，停咗手一陣又係同一個服務員行埋嚟，今次識問我仲要唔要，我話留多陣但佢已手快快將枱面張用過嘅紙巾丟咗落隻碟，跟住佢聽完我話仲要就拎番開張紙巾😡 啲垃圾掂完食物仲要個客食番！？到叫餐飲，明明舉咗手好耐，同一個服務員見到行緊過嚟，但中途被其他客人截住佢又好似金魚咁唔記得我游
年尾清假，响屋瞓醒已經12點，於是順理成章將早餐同午餐合併。唔想去咁遠，於是揀附近餐廳。隔離嗰間Houston就幫襯得多，成日想試HEITI'S，今日終於有機會。
去到未夠下晝一點，唔使諗一定揀扒，叫咗個澳洲安格斯肉眼餐，加多$10要哂餐湯同沙律唔使二選一。
餐包、湯、沙律一次過上哂。首先食餐包，微暖，外皮煙韌帶芝士鹹香，不錯。沙律係正常嘅橄欖油加醋，食落都新鮮。是日餐湯意大利雜菜湯，雖然夠濃稠唔係稀冷冷，但唔知點解得鹹味，飲咗一半已經唔想繼續，放低冇耐服務員乜都冇問冇講就收咗碗湯😱
到上扒，明明order medium rare，但我懷疑服務員聽錯，結果變咗medium well。食落雖嚡但還算有肉味，黑椒汁冇乜黑椒味但調味唔會過鹹。伴菜炸薯角普通冇特別但我嫌薯仔唔夠粉身。食完扒再加幾粒薯已飽，停咗手一陣又係同一個服務員行埋嚟，今次識問我仲要唔要，我話留多陣但佢已手快快將枱面張用過嘅紙巾丟咗落隻碟，跟住佢聽完我話仲要就拎番開張紙巾😡 啲垃圾掂完食物仲要個客食番！？
到叫餐飲，明明舉咗手好耐，同一個服務員見到行緊過嚟，但中途被其他客人截住佢又好似金魚咁唔記得我游走咗😭 最後再長舉手終於過到嚟叫咗杯咖啡，問佢係咪即磨又唔知答我係即撞(奶茶？)… 嚟到發現已經調咗牛奶，但就冇落糖亦冇比糖我，不過我本身只飲齋啡或只加奶，飲落都正常，所以雖然同正常西餐廳比較會比奶糖自己較唔同，我亦冇乜所謂。
食到中途全店已有三十個客但得兩個服務員，明顯人手不足，而且個金魚游魂型服務員真係好趕客。下次我都係去番Houston。
Post
