點點心 (Closed)

年廿九周圍已收爐，老公竟然突然話想食點心，好彩有openrice搵到呢間～ 打去問年廿九都開到凌晨一點～之前唔識呢間，可能因為無乜宣傳；但食完覺得佢比添x運或茶樓好味，食物有水準同款式多，價錢好合理～ 見到好多外國人遊客或單拖嘅自己一個人入黎食～ 叫咗：糯米鷄$24：好味好足料，入面竟然有埋咁大舊臘腸～义燒包$17：我始終最鍾意食傳統义燒包，呢個好軟熟同入面多料～蟹子燒賣皇$26：平時我唔特別食，但都覺得好食～薑蔥牛柏葉$21：好味不太辣，但有d切得太大舊比較難咬～黑松露小籠包$22 & 山竹牛肉球$19：ok～荷香原籠糯米飯$26：一籠滿滿的，但唔夠荷香唔夠多料～紫金煎堆$16：原本想要芝麻煎堆，但得呢個；新鮮即叫即整好脆好熱，原本唔食芋頭都覺得好味～最後特別一提推介：陳皮蜂蜜燉原隻雪梨(原本$24，但今晚優惠$15)，超級真材實料真係燉，d陳皮雪梨好得，唔似得平時d糖水店收三十幾蚊只係糖水浸雪梨～臨走仲每枱送一碟燒肉祝新年快樂～希望傳統小店繼續keep到水準，會再支持！！