茶舍 (北帝街)

Open Now

Now Closed

一早幫朋友搬屋去土瓜灣，做完嘢之後朋友去買午餐回來食，佢話樓下茶舍係港式茶餐廳，食物水準都唔錯！慢煮咖喱牛腩飯，牛腩和薯仔入味夠林，咖喱汁又香又濃郁，撈飯食一流！米蘭肉醬焗扁意粉，碎肉加上特製醬汁，味道濃郁惹味，扁意粉軟硬適中。菠蘿鮮茄三層芝士焗豬扒飯，豬扒厚切好大塊，肉質鮮嫩唔會鞋，以菠蘿鮮茄加上三層芝士焗至金黃色，味道酸甜甚惹味，飯底用蛋炒香先去焗，特別香口。氹仔風味豬扒包，先將豬扒煎香，再將包焗脆，加上生菜和醬汁，又香又美味。豬扒入味肉質軟嫩。滋味脆薯條係即炸，拎到返都有少許脆口，唔會好油膩。熱華田和鴛鴦夠濃夠味！