Video
Read full review
2023-12-13
32 views
《狐狸食堂 - 佐敦》早幾日同個朋友去左佐敦近住尖沙咀韓國街果個位置食串燒，環境唔錯而且都幾有日本居酒屋feel，我後尾都有再同其他朋友去飲杯清酒食下串燒，整體既食物水準同體驗都好唔錯呀💁🏻♀️燒厚切牛舌 $78有睇開我post既都知我成日都食牛舌😝絕對係個牛舌愛好者呢🤭呢度既牛舌串燒切得勁厚好有咬口，上枱時已經調好曬味食得😉輕輕用上鹽去調味已經好好食💁🏻♀️燒雞皮 $38雞皮係同行友人既至愛，燒得香脆又唔會油膩，作為下酒菜不錯的💁🏻♀️醬油燒白鱔 $78近來都幾喜歡食白鱔，餐廳處理得好好，白鱔唔會有泥味，肉質都幾彈牙同無乜骨，食落啖啖肉又juicy 💁🏻♀️燒墨魚咀 $38墨魚咀我都係第一次食😢食人個咀好衰，但原來個質感都幾彈牙爽口，餐廳用左甜甜地既醬汁製作，食落都幾惹味💁🏻♀️燒五花腩 $58五花腩有五層不同既口感，少少肥但又唔會太過火，襯熱食有爆汁感，同埋肥肥位有少少爽口，其實幾好味的💁🏻♀️鱈魚絲 $48又係一樣下酒菜，由於當晚我地吹水傾計居多，所以飲下酒之間就會不停咁去食呢個鱈魚絲，脆卜卜咁幾有口感💁🏻♀️明太子玉子燒 $58當晚其一我的最愛❤️玉子燒口味偏甜身，而上面既明太子
早幾日同個朋友去左佐敦近住尖沙咀韓國街果個位置食串燒，環境唔錯而且都幾有日本居酒屋feel，我後尾都有再同其他朋友去飲杯清酒食下串燒，整體既食物水準同體驗都好唔錯呀
💁🏻♀️燒厚切牛舌 $78
有睇開我post既都知我成日都食牛舌😝絕對係個牛舌愛好者呢🤭呢度既牛舌串燒切得勁厚好有咬口，上枱時已經調好曬味食得😉輕輕用上鹽去調味已經好好食
💁🏻♀️燒雞皮 $38
雞皮係同行友人既至愛，燒得香脆又唔會油膩，作為下酒菜不錯的
💁🏻♀️醬油燒白鱔 $78
近來都幾喜歡食白鱔，餐廳處理得好好，白鱔唔會有泥味，肉質都幾彈牙同無乜骨，食落啖啖肉又juicy
💁🏻♀️燒墨魚咀 $38
墨魚咀我都係第一次食😢食人個咀好衰，但原來個質感都幾彈牙爽口，餐廳用左甜甜地既醬汁製作，食落都幾惹味
💁🏻♀️燒五花腩 $58
五花腩有五層不同既口感，少少肥但又唔會太過火，襯熱食有爆汁感，同埋肥肥位有少少爽口，其實幾好味的
💁🏻♀️鱈魚絲 $48
又係一樣下酒菜，由於當晚我地吹水傾計居多，所以飲下酒之間就會不停咁去食呢個鱈魚絲，脆卜卜咁幾有口感
💁🏻♀️明太子玉子燒 $58
當晚其一我的最愛❤️玉子燒口味偏甜身，而上面既明太子醬就帶有咸香，又係我愛既又咸又甜感覺，而且一客夠曬大份，兩個人share可以慢慢食
💁🏻♀️蒲燒鰻魚 $68
鰻魚我就覺得比較普通少少啦，係想像得到既蒲燒鰻魚口味，不過大大條又燒得幾香，熱食無得彈呢
💁🏻♀️五花腩set $168
除左散叫既串燒之外，餐廳仲有提供串燒set的，我地兩款都叫曬🤭五花腩set 有醬燒年糕豬腩卷、燒野菜豬腩卷、燒蘋果玉桂豬腩卷同燒煙肉番茄卷，其中我覺得最特別既係蘋果肉桂豬腩卷👍🏻口味清新又清甜，蘋果既甜味帶起左豬腩肉既肉味同咸香，必試💪🏻另外野菜燒腩卷都係好少喺出面食到既串燒，野菜爽脆得黎同樣可以令到豬腩肉既油份減低，味道特別清爽
💁🏻♀️4支免治雞肉棒 $158
另一個set 都係餐廳推薦我地試下的，平時去居酒屋食串燒，又點會無試過免治雞肉棒呢😉呢度用左四種方法製作呢個set，有明太子免治雞肉棒、檸檬鹽免治雞肉棒、芝士免治雞肉棒同醬燒免治雞肉棒，我個人較喜歡明太子口味同埋檸檬鹽口味既雞肉棒，除左入面有脆口既軟骨，外面更塗有厚厚既醬汁，明太子沙律醬微微帶辣但好惹味，食落creamy又食到粒粒既明太子，而檸檬鹽既口味就比較fresh同埋帶酸，同蛋黃汁既口味都幾合拍架
Post
