板長壽司 (新安大樓) (Closed)

今日聖誕節,突然好想食壽司其實真係好耐冇食過板長,查過西環呢間最近屋企,但睇食評係好多負評多數都係覺得服務員出問題食物方面就冇問題嘅果一下諗,我想食好嘢啫,服務......未必真係講到咁差掛,博一博,唔洗咁頻撲去咁遠嘛約晚上6：30, 和朋友2人到達板長, 原本諗住入去冇人招呼,又唔係喎,有人帶位, 又有問有冇會員咭侍應介紹完,叫我地用手機自己落單,其實我和朋友揀左都幾耐落單後,食物都好快上枱叫左都好多款壽司,食完覺得最滿足爆燈係鵝肝壽司炙燒鰻魚壽司果種肥美甘香,真係仲有果個期間限定北海道帆立貝刺身,好鮮甜呀其他款式都屬正常水準,只略嫌壽司飯有點鬆,夾了上來一會兒就散了其實食嘢期間有留意侍應們做嘢, 真係冇啲食評講到咁離譜喎, 今日博一舖, 成功慳腳程又有好嘢食, 服務亦不錯希望西環的街坊繼續享受到好服務,又有好嘢食啦