野郎Stone (Closed)

最鍾意食石燒牛，近期比較少外出用餐。今日夜晚時候經過尖沙咀，就買外賣返屋企食。都有一排冇食石燒牛，揀咗牛隔膜。呢個部位肌肉會有少少爽口，肉質又夠嫩滑。鍾意幾多成熟都可以同店員講，或者佢亦都可以建議。呢度嘅外賣即叫即整，所以新鮮熱辣辣，保持溫度，亦保持味道。餐廳環境有少少日式風格，座位唔算太多，係小店一間。佢提供多款不同嘅肉類，選擇都幾多。牛嘅種類就相對地多，而且你可以按你嘅食量揀唔同嘅份量分100 g/150g/ 200g及300g。尚算多元化。外賣便當企理，飯夠多，牛又好食，外賣方便！