Bforbagel by 404 LOT FINE (Closed)

係網上見有人介紹呢間店，見食物幾吸引就約埋朋友三個人一齊去試。先講食物，叫左伯爵茶，三文魚同咖啡bagel，仲有個章魚小丸子bagel。唔知係咪過左火，感覺有d乾同硬，味道上就不過不失。咖啡味相對上濃味少少，伯爵茶就叫做有少少茶味啦，三文魚就無咩特別。野飲叫左朱古力，mocha同京都香月園焙茶。但真係好普通，完全唔值呢個價。環境方面，張枱太細放多少少野都唔夠位，仲要唔多穩，唔算坐得好舒服。最差嘅就係服務態度，bagel唔知係咪經常轉，係佢本menu無既要出佢櫃面睇。落單時指俾店員睇要邊個，但個店員就一個非常唔好既態度講落單要講全名，佢唔知d野叫咩名。然後找錢pet落張枱度勁唔好老皮。