Video
Read full review
2021-10-14
987 views
普慶自助餐出名食物款式多， 之前試過自助午餐、下午茶、晚餐，係未食過自助早餐。風球底下無聊冇嘢做，就book staycation，見klook特價，577元包一間房同二人自助早餐，覺得幾抵，所以去試下。自助早餐分三個時段，我哋揀最遲嘅時段：九點三到十點半。 一坐低就有侍應問你飲乜嘢，我哋叫咗熱檸水同熱咖啡。平時冇飲開咖啡嘅我，覺得佢啲咖啡幾好飲， 只係落咗少少奶，冇落糖，飲落唔會有苦澀味，仲可以refill添。 攞咗一輪食物返埋位，我篤緊電話，侍應見我枱上面有碗湯，其實我未飲嘅，佢已經問我碗湯仲要唔要呀。佢好心急，我都未飲就想收。食物款式真係好多，乳酪都有三種，仲有好多麥皮、穀物配搭。 中式點心 ：燒賣、素餃、菜肉包。點心麻麻地，皮好厚，好少餡，淡口無味。 煙三文魚，質素普通，唔算太鹹，唔多油脂 可以自製all day breakfast，不過炒蛋長期都冇， 薯餅炸得太脆，有啲硬。 配菜款式都算多， 蕃茄、雜菌、焗豆、 薯仔，營養算幾均衡，唔會只係得啲肉。 沙律菜算新鮮 麵包款式繁多，仲有雞蛋仔添。不過雞蛋仔擺得耐淋曬，要食新鮮出爐，先會有外脆內軟嘅口感。 呢個所謂嘅即整奄列，我自
自助早餐分三個時段，我哋揀最遲嘅時段：九點三到十點半。
一坐低就有侍應問你飲乜嘢，我哋叫咗熱檸水同熱咖啡。平時冇飲開咖啡嘅我，覺得佢啲咖啡幾好飲， 只係落咗少少奶，冇落糖，飲落唔會有苦澀味，仲可以refill添。
攞咗一輪食物返埋位，我篤緊電話，侍應見我枱上面有碗湯，其實我未飲嘅，佢已經問我碗湯仲要唔要呀。佢好心急，我都未飲就想收。
食物款式真係好多，乳酪都有三種，仲有好多麥皮、穀物配搭。
中式點心 ：燒賣、素餃、菜肉包。點心麻麻地，皮好厚，好少餡，淡口無味。
煙三文魚，質素普通，唔算太鹹，唔多油脂
可以自製all day breakfast，不過炒蛋長期都冇， 薯餅炸得太脆，有啲硬。 配菜款式都算多， 蕃茄、雜菌、焗豆、 薯仔，營養算幾均衡，唔會只係得啲肉。
沙律菜算新鮮
麵包款式繁多，仲有雞蛋仔添。不過雞蛋仔擺得耐淋曬，要食新鮮出爐，先會有外脆內軟嘅口感。
呢個所謂嘅即整奄列，我自己煮得仲好過佢。其實佢只可以用煎蛋嚟形容，薄身，煎到隻蛋熟曬，都唔算係奄列，冇奄列嘅外表，好失敗。
整體嚟講，只可以形容佢係款式比較多嘅自助餐，中式、西式、沙律、水果、飲品，應有盡有，不過質素真係好一般。 如果只係想食飽填滿個肚，一定覺得好抵食。如果想食啲有質素嘅食物，又真係諗唔到有邊款。
Post
