醍醐茶寮 (Closed)

想食個快晚飯，想支持小店，又想食芋圓，openrice見呢間都ok, 街坊野，平平地，入去試試。店內整潔，行到入去上幾級，仲有閣樓仔可以坐。餐牌都幾多野選擇，就好似台試車仔麵咁。唔知套餐有幾大，包野飲，我地決定試下咩料先再諗加唔加芋圓甜品，免伏。我食炸雞+拉麵，炸雞唔乾份量都算多，個拉麵充滿梘水味，精味湯底。朋友食秘汁豬排+乾撈刀削麵，豬排ok唔乾，個汁甜甜地，乾撈個乾蔥汁都幾好味，但完全自己係屋企可以整到果隻味，勁似中學小食部feel. 刀削麵係用度小月的來貨，因為坐係閣樓有幾箱貨放左係走廊。柑桔蜂蜜係化學味，愛玉冬瓜茶要 +$3, 清清地既黑糖味，愛玉應該唔係現製，似來貨蒟蒻。既然係咁，質素平平，夠飽，唔洗再叫甜品。呢個價錢，合符期望，街坊野，只係路過食個快飯，完。