天丼てんや

Open Now

Now Closed

今日放假，黎到青衣城，有好多食店都未做午市，見到”天丼” 外拉了半閘，見仲有5分鐘就開門就去試下。限聚令關係，餐廳內分了2人一枱。門口收銀位後，寫明雞蛋、米、醬油等食材均產自日本。主餐牌有9款可選擇，而定食亦有6款。當我們點了兩款天丼後，再想加個”竹輪天婦羅”，職員話賣晒，我無諗過第一個入座加上落單都會有嘢賣晒1. 巨星天丼($79)，內有黑虎蝦、帆立貝、魷魚、蟹柳、紫菜、本菇同四季豆。帆立貝好細粒，肉無味，魷魚同樣得脆漿味，本菇同紫菜一咬落口好油膩，四季豆同蟹柳尚可，而全碗唯一可取是黑虎蝦，叫做有蝦味，信錯餐牌上寫的”人氣熱賣”4個字。至於麵豉湯都係一般貨式。2. 穴子海老天丼($82) 內有黑虎蝦、穴子、蟹柳、紫菜、本茹、茄子、四季豆。蟹柳、紫菜、本菇、四季豆同之前那碗一樣茄子同穴子一般，同樣只有黑虎蝦可取。食完12點多，估唔到門外有人排隊。🤦🏻‍♂️整體來講，食物水準好一般，只有黑虎蝦較好外，其他天婦羅只是好一般，而服務又同一般茶記無分別，仲要加一服務費，下次真的不了。