品越越式料理 (士丹利街) (Closed)

係中環返工食飯真係有平有貴。呢間算係中價位，只要早少少出去食飯都唔駛等位。我大約一個月會來食一次，例牌叫個鮮茄蟹肉肉丸札肉湯檬配熱檬水。食咗咁多次，湯檬一貫足料，但係唔知點解個味道好似冇之前咁好，茄味淡左，有少少失望。食完飯走嗰陣時發現來店既人數少咗好多，以前食完離開餐廳嘅時候會見到好長嘅人龍，但係今次居然食完間舖都仲未坐滿，令人驚訝。再上網睇吓大家嘅食評，發現唔止我一個覺得近期水準差咗，希望之後會好返啲，如果唔係我可以轉場啦。