Video
Read full review
2010-03-23
60 views
以前間中和少奶到這裏飲早茶或下午茶，因為價錢相宜，而且點心選擇不少。不過，這一年來發現他們的特價點心選擇買少見少，質素也每況愈下，腸粉可以削到一夾即爛。所以近來已甚少光顧。是日午飯時間，少奶忽然想來這裏，好，就下佢啦。一坐下便發現只有兩款點心紙，一張係正價點心，另一張係午市炒粉麵。但看看鄰枱，發現有其他顏色的點心紙，於是四周走，搵左幾枱先至集齊幾款特價點心紙，仲難過儲印花。不過集齊都無用，因為選擇今非昔比，所有大路點心 (燒賣、腸粉等)一律沒有特價，唯一較吸引的只剩下$9.8一隻灌湯餃，於是和少奶一人一隻。幾過月前試過一次這裏的炒河，餸還可以，但河粉極其「難口」，相信用的是乾貨河粉，自始便不再吃這裏的河粉。今次本來想吃鴨腿湯飯，但侍應卻聲稱賣晒。結果左揀右揀，才點了炸菜火鴨絲炆米。味道還可以，但其實不算突出。老實講，普通茶餐廳都不會比這裏差。上次又食過啫啫芥蘭煲，其實係用漁香茄子的肉碎炒芥蘭，然後放入一個鐵煲裏。不過，上枱時，個鐵煲凍冰冰，都唔明佢點樣啫啫法。最大問題係得個鹹字，而且非常多油。最後食完d芥蘭就算。汲取上次教訓，今次改叫炒四季豆，點知上枱時，發現一樣係用漁香茄子的肉碎炒，
是日午飯時間，少奶忽然想來這裏，好，就下佢啦。一坐下便發現只有兩款點心紙，一張係正價點心，另一張係午市炒粉麵。但看看鄰枱，發現有其他顏色的點心紙，於是四周走，搵左幾枱先至集齊幾款特價點心紙，仲難過儲印花。不過集齊都無用，因為選擇今非昔比，所有大路點心 (燒賣、腸粉等)一律沒有特價，唯一較吸引的只剩下$9.8一隻灌湯餃，於是和少奶一人一隻。
幾過月前試過一次這裏的炒河，餸還可以，但河粉極其「難口」，相信用的是乾貨河粉，自始便不再吃這裏的河粉。今次本來想吃鴨腿湯飯，但侍應卻聲稱賣晒。結果左揀右揀，才點了炸菜火鴨絲炆米。味道還可以，但其實不算突出。老實講，普通茶餐廳都不會比這裏差。
上次又食過啫啫芥蘭煲，其實係用漁香茄子的肉碎炒芥蘭，然後放入一個鐵煲裏。不過，上枱時，個鐵煲凍冰冰，都唔明佢點樣啫啫法。最大問題係得個鹹字，而且非常多油。最後食完d芥蘭就算。
汲取上次教訓，今次改叫炒四季豆，點知上枱時，發現一樣係用漁香茄子的肉碎炒，一樣係好鹹，只係用碟上，而且少d油。四季豆即係豆角，本來無問題，但係佢地無搣走豆角頭那個硬硬的尖尖，差d拮親個口。搣豆角頭咁基本的功夫都唔做，唔係化？結果我地一邊食，一邊自己用口咬去那些尖尖。
埋單八十幾蚊，講真，唔算貴，但以咁既質素，不算抵食。難怪這裏的生意早已大不如前。就係咁樣，呢間酒樓以後就少左我地兩個長期客仔。
Post
