DKLM Bar & Restaurant (Closed)

今日嚟左呢間樓上酒吧同朋友吹下水，食吓野。餐廳有桌球🎱比你玩，鐘意嘅可以同朋友督下波，又有八九十後鐘意聽嘅歌，都好有氣氛。先有一客小食，係蝦片，有咖喱味，香脆好惹味。黑松露,巴馬臣火腿薄餅拼火箭菜pizza喺餅乾薄底，上面嘅巴馬火腿比得一啲都唔孤寒，大片又多，最鐘意佢個香味，配埋黑松露醬原來又幾夾👍🏼蟹膏蟹肉意粉鐘意蟹嘅呢個必點，好大碟呀，每條意粉都沾滿蟹膏醬，好滿足呀，蟹膏甘甜富鮮味，仲可以睇到一絲絲嘅蟹肉，好吸引水牛城雞翼（5隻）炸至外脆內嫩，入面唔會好乾，仲有肉汁，外層沾了茄汁辣粉，酸甜醒胃，好食嘅野菌松露忌廉汁扁意粉冇錯又係松露，鐘意松露嘅我哋見到松露又好想叫🤣🤣啲個松露忌廉汁好好食，香滑又有松露味，加埋爽口野菌都唔錯，越食越滋味。