羅勒印度餐廳 (龍尾村) (Closed)

有朋友未食過印度菜，所以近近地帶佢去試吓呢間有較多分店嘅印度餐廳，感覺質素好似會穩定啲。正價單點黎講，晚餐係中等價錢，我地三個人總共食咗$480。三個人總共嗌咗六款食物，有唔辣嘅燒雞，有芝士、蒜蓉、原味烤餅，有咖喱牛肉同埋牛油雞。個人覺得最好食嘅係咖喱牛腩同埋芝士烤餅，佢嘅牛腩食落夠冧同埋好入味唔會太過鹹。牛油雞就相對普通，但係燒雞幾好食，佢有個綠色嘅薑汁，小小辣同有啲薄荷味，可以帶走雞嘅油膩感。