海天花園酒家

Open Now

Now Closed

2020年11月25日當日早上10點半攞飛，等左十五分左右就可以入座，不過今次坐喺門口位，對住個魚缸，自成一角。不過冷氣好勁，怕凍的人就要留意，記得帶外套。見到有張點心紙有優惠，發現都幾抵食，又多選擇。超值孖寶優惠$36.8 (自選2款點心)，早茶時段係早上八點至十一點半。當日叫左八款點心，有蔥花炸兩腸粉丶極品花膠灌湯餃丶鮮蝦腐皮卷丶濃雞湯鮮竹卷丶金邊蝦餃(2粒)丶燒賣丶香煎臘味蘿蔔糕，但係原來比溜左牛肉球😱，當時完全唔記得左。全部點心都熱辣辣，好好味。蘿蔔糕好大件丶灌湯餃普通。店員全部都好有禮貌。食左咁多嘢都係$201 埋單，真係好抵食😄。