Gusto - Taste Italian (Closed)

相約老公撐枱腳，嚟到位於尖東嘅Gusto意大利酒吧餐廳，餐廳有梳化位，地方寬敞，空間感十足，播住悠揚嘅英文歌👍🏻店員態度親善，有笑容😊我哋一坐低，就送上西式麵包配黑醋和橄欖油。安格斯牛肉串燒造型充滿心思，掛住嘅串燒，以一層牛肉一層蔬菜組成，蔬菜吸收咗肉汁，入口juicy又咇汁，味道天然，無過多嘅調味料，牛肉燒到外皮有點脆，內裏粉嫩，容易切開，無咩筋，入口覺得啱啱好。香炒雜蘑菇牛油蒜蓉炒，啖啖都有蒜蓉粒，上枱已聞好香，細細份，作為小食好適合！意大利肉醬意粉同平時食開嘅唔同，唔係肉醬 ，係用上牛肉粒黎煮，加上新鮮蕃茄，口感特別，而且好Fresh 👍🏻原隻波士頓龍蝦燴意大利飯大大隻龍蝦呀😍賣相已經吸引眼球，龍蝦肉爽滑，而且仲起埋肉，方便食，飯底用龍蝦湯來煮，又鮮又滑，高質🙌🏻