潤發飯店 (Closed)

潤發飯店 每次來到深水埗都有好多餐廳選擇 價錢大眾化 今次來到深水埗福華街潤發 酒樓食中式點心 因為是星期日九點 堂食都係麻甩佬為主 大家不要期望餐廳裝修豪華 只是一間很細很簡陋的普通茶室 但係入面食物水準臥虎藏龍 早餐時段主要供應中式點心為主 你們平時食開嘅中式點心呢度都有 推介四寶雞雜 醬汁金錢肚 燒賣 雞球大包 叉燒包 叉燒腸同埋鮮竹牛肉 全部都係貨真價實 即叫即蒸 或者佢哋啱啱整好咗拎出嚟賣 你可以 外賣或者堂食 價錢都係幾蚊雞茶錢 每一個點心都好有水準另外亦都點咗一個鳳爪排骨飯 米粒分明 當日點了五碟餸 兩個人都係一百蚊有找 喺第二個地方一定食唔到 希望呢啲傳統小店可以繼續生存落去