Relish Kitchen by ALOT (Closed)

十分欣賞餐廳的環境 ，裝修清新簡約，位置闊落，坐得十分舒服😚食物質素也不錯，特別是酥炸魷魚，唯雞肉意大利飯有點味道淡。其他也十分好吃。食物環境也很好，但服務質素太令人失望每位員工也黑面招待客人，對答也不自然，多以點頭、嗯等作回應。當天我為家人慶生，一開始把蛋糕交給待應雪住先，待應接過蛋糕後直接把蛋糕拎入廚房。隨後我們切蛋糕，蛋糕一上枱，有一位應該是經理的女待應很快的走過來，用興奮的聲量對說:「原來有人生日呀，你哋需唔需要蠟燭啊。」原本以為佢知道有人生日，想同我哋講生日快樂，或者想幫我哋影相，點知佢下句就話「我哋同事有冇同你講，蛋糕要收返切餅費$80」 我哋話冇人講啊，不過我哋依家知道了，然後佢就走咗。我知道佢有義務提醒我哋有切餅費要收，但係佢實在太不恰當嘅時間同我哋講呢樣嘢，超級破壞氣氛，同埋令人失望。之後再見到佢同個同事喺側邊對話，我估應該個同事係俾人訓斥，因為個同事嘅表情很不開心。隨後又見到每次客人同其他侍應有交流時，那位經理衝出來「幫忙」令我聯想到員工的服務態度差，可能是因為經理對他們的不信任，導致工作氣氛差。希望貴公司可以多多改善。