泰閣 (Closed)

我哋一行五個人黎食晚餐， 門口有少少難搵原來係喺酒店嘅一樓嚟。 裝修尚算唔錯， 今日係星期四，呢度唔係好多人， 環境安靜， 傾計好舒服。 1）椰青海鮮飯我覺得係今晚比較特別同值得推介既食物。 佢將椰青入面嘅肉刮咗出嚟，用咗好似整risotto嘅方法， 混合忌廉同海鮮一齊焗。 啲椰青咁樣整法好香，但比較膩，食細細碗都飽2） 青咖哩蝦 大致水準ok，係creamy嘅青咖哩， 啲蝦雖然唔係好大隻，但新鮮3） 明爐烤魚 我覺得佢做得未夠醒胃，唔係好夠酸香辣。 有小小失敗筆嘅位就係佢個爐啲火太大太猛，所以條烏頭老得好快， 本身亦醃得唔夠入味，魚鱗打得唔太乾淨。整體唔差，不過可以改進4） 肥牛喇沙粉 湯底做得幾好，夠香濃， 啲粉亦都煮得好入味，大致良好，係啲粉煮得有點得過熟5） 椰子雞湯（四至六人份量） 呢個當湯真係唔太推介，當餸就唔錯既。當湯既話感覺上好似飲咗一鍋餸嘅汁， 味濃， 但入面幾多料，用來送飯都啱嘅喺油尖旺邊度會有地方可以畀我哋五個人坐喺度傾哲學嘅話題傾成晚？ 呢度個環境其實真係唔錯, 整體食物水平都可以啦。 一講起哲學話題，又諗起你，我估你哋一定做到好朋友大把野傾姐：）