荳子 (馬鞍山廣場) (Closed)

今日夜晚出左去新港城食飯，平時晚飯時間好多人排隊，由於呢期疫情關係，少左好多人外出用膳，所以我地大概7點去到都仲有少少位，唔使等位。今日我地order左一個安格斯牛肉漢堡加黑糖薑母茶同一個黑蒜蜆肉帆立貝白酒意大利粉加熱檸蜜。意粉有大概十零隻蜆仔，黑蒜味好香，overall好好味，不過略嫌少左啲。另外，個漢堡包好多料，有薯條同沙律配菜，太陽蛋蛋黃流落個包，食入口好rich。個安格斯牛肉叫左5成熟，唔會好靭，仲有肉汁，今日食左好滿足嘅一餐。