61E Coffee

Open Now

Now Closed

下晝5點幾上堂前諗住係樓下食啲野，叫左冬蔭功大蝦意粉，味道ok，蝦同意粉夠爽口，不過冬蔭功味可以濃啲。基本上食物同環境都ok，重點係服務岀哂事。當時入到去樓面有2個人，有個女既帶位，面口已經唔太好。因為係自助，去到收銀前個男既樓面就指示我同收銀落單。水吧連住收銀，入面有2至3個人，我唔知邊個負責收，但企最近收銀機個男仔keep住dup 低頭㩒電話，直至其他人叫佢收錢，佢都仲㩒多幾下至肯收錢。雖然當時唔多人，但個客企係面前要落單都仲玩電話玩到唔停手，會唔會有啲過分？而其實樓面個1男1女都係咁㩒電話，雖然話無加一，但都賣成百幾蚊個意粉會唔會可以有番基本既服務態度？