Romanne Leisure Food Concept (砵蘭街) (Closed)

今日係小學同學聚會，約咗8大2小共十人出席，雖然餐廳唔算好大，但服務都好好👍🏻我哋叫咗兩set4人餐，大家覺得食物都好好味😋質素都幾好！食物方便真係幾好食，我負責訂枱，同學問我係咪嚟過依度食過？其實我都係第一次，上咗嚟OpenRice 睇咗人哋嘅食評同相見到環境幾好就決定訂枱，好彩無令大家失望！地點方便，大家都易搵到！食到最後一枱走係職員嚟話佢哋夠鐘收工…真係唔好意思😅但大家太好耐冇見，傾計太開心講到咁遲一枱走…但洗手間女厠就只得一格，臨走時要去廁所就要預先輪流去比較好，餐廳環境同服務總體大家都好滿意，值得再食！