Video
Read full review
2018-07-10
698 views
今日約左一班女去旺角試姊妹裙，試完就係埋旺角食飯, 所以一早預約左呢間CAFÉ, 今日約左6PM, 唔知係咪因為世界盃既關係, 入座既時候店員已經講好左9點前要交枱, 其實都有成3個鐘, 絕對夠我地食野同埋傾野。呢間CAFÉ環境唔算好靚, 不過都算乾乾淨淨, 最好既地方係坐位好寬敞，坐得好舒服, 佢仲提供左好多BOARD GAME呀, 但因為要傾野所以冇玩, 如果下次有一大班朋友黎就可以玩理!! =]我地貪方便就咁叫左D PARTY SET，叫左個PARTY B, 每人$158，叫完之後佢就會跟返人數整相應既份量比我地。我會形量呢4人份量係海量而且味道不錯!!我諗6個女仔先食得晒, 不過我地唔想浪費都盡量食左好多好多!!!沙律: 田園沙律(日式芝麻醬)小食: 無得輸芝士薯條名副其實無得輸薯條, 佢係第一碟黎既小食, 店員叫我地要盡快享用, 因為凍左就唔好食, 真係好正!!芝士勁多勁邪惡!!但因為真係好熱所以好好味!!又唔會太鹽!!正!!清左呢個薯條之後海量既小食就黎啦!!!小食: 吉列珍蝦小食: 蜜糖雞翼X惹味咖哩角X粟米墨魚餅蜜糖雞翼味道好好!!小小甜但又有個脆脆地既皮!! 粟米墨魚
今日約左一班女去旺角試姊妹裙，試完就係埋旺角食飯, 所以一早預約左呢間CAFÉ, 今日約左6PM, 唔知係咪因為世界盃既關係, 入座既時候店員已經講好左9點前要交枱, 其實都有成3個鐘, 絕對夠我地食野同埋傾野。呢間CAFÉ環境唔算好靚, 不過都算乾乾淨淨, 最好既地方係坐位好寬敞，坐得好舒服, 佢仲提供左好多BOARD GAME呀, 但因為要傾野所以冇玩, 如果下次有一大班朋友黎就可以玩理!! =]
我地貪方便就咁叫左D PARTY SET，叫左個PARTY B, 每人$158，叫完之後佢就會跟返人數整相應既份量比我地。我會形量呢4人份量係海量而且味道不錯!!我諗6個女仔先食得晒, 不過我地唔想浪費都盡量食左好多好多!!!
沙律: 田園沙律(日式芝麻醬)
小食: 無得輸芝士薯條
名副其實無得輸薯條, 佢係第一碟黎既小食, 店員叫我地要盡快享用, 因為凍左就唔好食, 真係好正!!芝士勁多勁邪惡!!但因為真係好熱所以好好味!!又唔會太鹽!!正!!清左呢個薯條之後海量既小食就黎啦!!!
小食: 吉列珍蝦
小食: 蜜糖雞翼X惹味咖哩角X粟米墨魚餅
蜜糖雞翼味道好好!!小小甜但又有個脆脆地既皮!! 粟米墨魚餅都好正!!墨魚肉煙UN, 唔似粉團!!!值得一試!!
小食: 蜜汁雞肉串X泰式燒豬頸肉
小食: 芝士汁焗蔬菜
我諗大家出街都唔係點食到蔬菜, 連點都未必會專登點, 但佢呢個加左芝士既焗蔬菜真係幾好, 入面有西蘭花, 細紅蘿蔔, 細粟米…加芝士焗左之後好味左好多, 雖然好芝士, 但總算食左小小蔬菜!! XD
就係咁我地已經好飽!!!!!!!!!!!!!真正既主菜先黎!!!太誇張!!!!
主菜: 黑松露海鮮意大利飯
個意大利飯整得好靚, 入面有海蝦, 藍青口, 魷魚, 蜆肉, 材料勁豐富!!黑松露唔算太多, 岩岩好吊到個味出黎, 至於個汁既濃度又做得好好, 飯唔會太硬或者太軟, 真係唔錯, 冇諗過間CAFÉ仔都做到出面西餐廳水準!!!
主菜:白汁香蒜蜆肉意粉
仲有主菜, 蜆肉都好多下, 但係朋友就覺得個蒜味有點兒過左龍, 食完個口腔好大陣蒜味, 我都有同感, 但係此之外, 佢既味道係OK, 而且意粉硬度都係適中, 不錯不錯!!!
特式飲品: 巨峰提子乳酸X柑桔檸檬
整體黎講真係好抵食好抵坐!!!店員好似都係得2-3人, 但係上菜速度呀, 服務呀都好好, 開頭見佢係金雞廣場都有D驚, 因為呢個廣場比我既感覺都係污煙X氣, 但今次黎過呢間CAFÉ覺得都唔係想像中咁差!! =]
Post
