大一海鮮火鍋料理 (Closed)

位於尖沙咀嘅大一海鮮火鍋料理，平時經過一直好想試吓，今次約埋四個朋友打邊爐。喜歡火鍋店的感覺，門口招牌大大隻字寫住大一，裝修環境以藍色為主，還有一個大大的海鮮魚缸，入面嘅海鮮非常生猛。餐牌大大本，食物圖文並茂，每一款食物都想試吓。醬汁醬料只係$22位，而且醬料有多款選擇，當中有我最鍾意嘅辣椒粒同埋蔥粒，自己混醬調味用作點火鍋食物之用。火鍋🍲就揀了我最喜歡的鴛鴦鍋，一次過滿足晒我兩個願望。好喜歡野菌黑松露湯鍋，非常足料，湯底很香而濃郁，好好飲。火鍋配料林林總總，拼盤當中的黑豚肉，它肉質鮮嫩，唔需要點任何醬汁，已經滿口新鮮黑毛豬味道，必食。鮮蝦雲吞入面有好多鮮肉，皮一啲都唔厚，好足料。花膠筒好大條，一放落湯底浮在湯底面，黑松露咁濃郁嘅味道滲透入花膠入面。手打四寶丸拼盤中蝦丸爽口彈牙，還食到一粒粒嘅蝦肉。仲有珊瑚蚌、香菇貢丸、淮山、脆鯇骨腩魚片等。總括而言，食物質素高而且有水準，最重要係食物新鮮，我哋四個人食完真係非常滿足，下次一定會再光臨。