ALIVE EATERY by Alive Food (Closed)

優點：煎帶子意式番茄醬意粉果然冇令人失望，之前睇相已經覺得佢會好好食！意粉質地好彈牙，個sauce酸甜適中，好多去皮茄肉，成碟份量好夠食！ 帶子三隻，唔算細隻，煎得唔錯，整體都對得住呢個價。個意粉仲落左酸豆，又有parmesan cheese, 味道豐富。如果唔係特別想食麵包，而又想食飽肚野，超推薦呢個意粉！缺點：可惜餐廳坐位唔算好座，入面都d位好窄，矮stool 唔好坐， 唔太適合一個proper lunch, 如果飲下咖啡食下輕食, 唔坐得耐都ok。一半半：Bread pudding 都好多人推介。似個飽浸咗甜嘅牛奶，濕潤軟綿綿，外層再包焦糖皮。個人覺得香味不足，甜味有餘。我就覺我太甜了。不過個青檸雪芭好清新🤪，整體個甜品個presentation 都算特別，原創性高。今次冇食佢啲麵包同pastries, 下次可以再去試吓， 因為見到賣相都唔錯。值得回頭再食。