Luxury (Closed)

今日心情呢麻麻地，畀老細照肺，非常唔開心，收工後搵埋個苦命人同事一齊食晚飯，因為心情太差所以我哋決定盡情去大 擦一餐，呢間餐廳朋友介紹過口碑唔錯，於是我哋就去試一下。法式麵包牛油、黑松露、蕃茄鬆脆麵包掃上一層甘香牛油，配搭散發陣陣幽香嘅黑松露，加上新鮮蕃茄極之匹配。荷蘭深海小龍蝦配三文魚子深海嘅龍蝦有別於一般，肉質特別爽甜，加上同是新鮮三文魚子，食起嚟真係不同凡響。魚子醬鵝肝沙律 兩款高質素食材放在一起有魚子醬嘅甘香，又有鵝肝幼嫩香滑潤甜，雙拼冇得輸。蟹肉青蘋果沙律 另一個沙律，啖啖蟹肉鮮香無比，配合青蘋果酸酸甜甜又爽脆，呢款組合又有不同嘅味道。法國乾邑龍蝦湯 干邑酒香醉人，配搭濃郁鮮甜龍蝦海鮮，滋味無窮。黑松露野菌忌廉湯 另一款黑松露散發著幽幽香氣，令人心曠神怡，加上鮮香忌廉綿滑，有另一種享受。黑毛豬青口&斑魚濃郁嘅豬香，肉質腍甜！青口大大隻，肉質幼嫩無比，跟同是新鮮斑魚一同進食，令客人感受到真正新鮮食材味道。朱古力蛋糕配青蘋果啫喱楊枝甘露配青蘋果啫喱餐後兩款甜品都各有特色，都是餐廳自家製品，跟別家的不一樣。飽腹過後，心情跟進來時完全不同，美食真係可以令人開心快樂，把我和同事早前不愉