Olive Cafe (新領域廣場) (Closed)

餐廳內感覺高級， 餐牌食物看下去傳統西餐， 價錢唔貴， 每次經過也想試一下。六點鐘到無需等位入座， 走嘅時候都有好多嘅人喺度。 但餐廳主打親民平和路線並非高檔路線。食物質素真係好普通， 食推介的豬手。豬手唔夠脆 而且偏鹹， 叫嘅pizza 餅底簿而唔脆， 芝士鹹而無味， 坦白講我真係覺得麻麻地。 但係一份大豬手， 砌好曬一嚿嚿畀你， 一塊有八吋大嘅pizza切出八塊， 再加兩杯mocktail， 再加埋個環境， 每人只係150蚊，感覺又ok嘅。餐廳其實很舒服, 可能我近門口有隻蚊仔， 亦剛好見到 入嚟嘅時候有一大咋師奶， 離開嘅時候就一大咋學生。 作為單身貴族我應該唔偏向呢一啲嘅高級西餐廳。 但係佢個性價比係ok嘅。 而且我見係滿座， 佢個位喺商場下面， 如果環境同埋食物冇返咁上下質素， 應該生意少。所以食物質素有待改善， 但係環境同埋服務員也很熱情， 如果係去飲mocktail， 再食啲簡單嘢，感覺坐耐啲應該唔錯。順便一提，餐廳做緊 飲品買一送一，即係半價， 我覺得佢嘅mocktail比一般嘅沖得好飲。