Paintable Cafe (Closed)

上環有好多隱世cafe，見到ig 好多人大讚Paintable Cafe，特登過黎品嚐佢哋嘅食物，點知驚喜滿滿😃 店舖環境走簡約風，打卡爽😝▫️彩虹乳酪 $98色彩繽紛，相機勁like! 仲超健康，因為好多水果，包括奇異果、石榴、藍莓、香蕉、柑，好fruity，配埋甜甜嘅乳酪，酸酸甜甜好開胃。呢個必食😍▫️明太子櫻花蝦意粉 $118有驚喜😝明太子醬夠咸香，品嚐到鱈魚子的濃郁風味，仲有微微紅辣椒嘅香辣風味。▫️棉花糖牛角包窩夫配雪糕 $78Croffle 餅身鬆軟香脆，蛋香味濃。棉花糖軟綿綿，好似一片片「雲朵」，入口充滿空氣感，香甜交熾，口感極佳～灑上草莓醬，仲有🌈彩虹碎點綴嘅雲呢拿雪糕，甜而不膩嘅甜品😝大滿足！▫️Rose and lychee soda $58少女粉紅色💓顏值高，玫瑰露加上荔枝汁，清新口感。▫️Lavender soda $58夢幻紫😍以柚子蜜做底，富口感之餘，加上薰衣草及梳打造漸變的顏色，清爽的氣泡感更凸顯清甜，消除暑氣。