紅磡冰室 (Closed)

餐廳喺正炮台山港鐵站對面。午市時間嚟到。要等一陣先有位。餐廳大部份都係卡位。不過今日天氣熱。坐近門口啲位唔多夠冷氣。侍應都做到有啲燥底。原本一心想食一丁。可惜餐廳冇提供。最後冇揀到午餐特餐。散叫左個豉椒排骨炒河。試下廚房炒野嘅功力。炒河碟頭大。河粉底炒得夠香唔多油。急凍排骨冇乜肉味不過亦都冇雪藏味。個汁偏甜。散叫熱飲要+$6。凍飲要+$9。叫咗杯凍檸茶。茶底唔清有啲澀。等緊嘢食嘅時候見到侍應拎左一碟炒飯出嚟。碟炒飯埋到成座山咁高。如果2個女仔真係叫一碟都夠。