Video
Read full review
2022-06-11
11 views
🐱🐷串本屋🐷🐱今日又再次嚟到柯士甸油麻地一帶搵野食😆見到呢間日式串燒店幾吸引就入咗去試試😋佢嘅位置都好易搵 柯士甸站A出口行4-5分鐘就到～門口充滿日式居酒屋嘅風情～店內裝修都好有心 牆上有日式掛畫💖落單用電子方式 自己scan QR code就得，亦好貼心咁會提供埋實體餐牌，可以喺實體餐牌睇咗食咩再喺手機撳💓有唔同嘅串燒、鍋物、飯等 食物種類豐富🥰嘢飲方面當然有各類嘅酒同生啤😆但我嗰日唔係好想飲酒 就叫咗杯奇異果乳酸梳打🥝味道好Fresh😁酸酸甜甜好開胃😋宜家做緊優惠 如果你like佢社交平台 可以免費獲得一杯無酒精飲品㗎！食物方面🥰佢會有個前菜 但未必日日一樣我就唔放喺度喇～我地今次係番茄沙律～ 配上酸酸甜甜嘅沙律醬 好開胃！因為佢即叫即燒/準備 所以啲食物都熱辣辣㗎～我超鍾意佢嘅流心炸蝦球🍤入面咬開有滿滿嘅芝士爆出嚟！仲可以拉絲😍芝士控必嗌！然後串燒方便 我地都叫咗幾款😆首先係鹽燒封門柳，肉質好軟😋同埋充滿肉汁💦然後就係醬汁燒豆腐串 有兩串～😋佢嘅豆腐係炸豆腐嚟 加咗甜甜地嘅醬汁一齊燒 燒好上面再加滿滿嘅木魚絲😆豆腐都好嫩滑～另外亦嗌咗個燒雞皮😋😋燒到脆卜卜❣️好香口 又就滿雞嘅油
今日又再次嚟到柯士甸油麻地一帶搵野食😆見到呢間日式串燒店幾吸引就入咗去試試😋
佢嘅位置都好易搵 柯士甸站A出口行4-5分鐘就到～門口充滿日式居酒屋嘅風情～
店內裝修都好有心 牆上有日式掛畫💖
落單用電子方式 自己scan QR code就得，亦好貼心咁會提供埋實體餐牌，可以喺實體餐牌睇咗食咩再喺手機撳💓有唔同嘅串燒、鍋物、飯等 食物種類豐富🥰
嘢飲方面當然有各類嘅酒同生啤😆但我嗰日唔係好想飲酒 就叫咗杯奇異果乳酸梳打🥝味道好Fresh😁酸酸甜甜好開胃😋宜家做緊優惠 如果你like佢社交平台 可以免費獲得一杯無酒精飲品㗎！
食物方面🥰佢會有個前菜 但未必日日一樣我就唔放喺度喇～我地今次係番茄沙律～ 配上酸酸甜甜嘅沙律醬 好開胃！
因為佢即叫即燒/準備 所以啲食物都熱辣辣㗎～我超鍾意佢嘅流心炸蝦球🍤
入面咬開有滿滿嘅芝士爆出嚟！仲可以拉絲😍芝士控必嗌！
流心炸蝦球
$36
13 views
1 likes
0 comments
然後串燒方便 我地都叫咗幾款😆首先係鹽燒封門柳，肉質好軟😋同埋充滿肉汁💦
然後就係醬汁燒豆腐串 有兩串～😋佢嘅豆腐係炸豆腐嚟 加咗甜甜地嘅醬汁一齊燒 燒好上面再加滿滿嘅木魚絲😆豆腐都好嫩滑～
醬汁燒豆腐串
$20
1 views
0 likes
0 comments
另外亦嗌咗個燒雞皮😋😋燒到脆卜卜❣️好香口 又就滿雞嘅油香💖💖
日本雞皮
$24
1 views
0 likes
0 comments
亦叫咗佢其中一個推介菜式 月見自家製免治雞肉棒🍗佢會有個碗仔跟埋個蛋黃同類似鰹魚醬油比你點嚟食💖呢個真係好好食！入面都食到一啲雞軟骨 口感豐富😆
月見自家製免治雞肉棒
$38
0 views
0 likes
0 comments
食親串燒我都一定會嗌燒冬菇🍄同燒青椒仔😆
燒冬菇有兩粒～燒青椒仔就有一串～都係加咗滿滿嘅木魚絲🥰如果大家唔食木魚絲可以同店員講聲啊～當然喺手機落單嗰時都可自己備注番
最後緊係要以鍋物作結😁我哋嗌咗個安格斯肥牛雜菜鍋🥩因為每張枱都有個嵌入式電磁爐 所以佢嘅鍋物所有材料都係生嘅 上到枱先至俾你煮熟佢哋 咁就唔怕煮過頭 而且熱辣辣😋牛肉亦都另上好似打邊爐咁你食嘅時候先至落落去👍🏻入面有勁多款式嘅雜菜🥰有娃娃菜、冬菇、本菇、紅蘿蔔等 亦有個年糕福袋、芝士獅子狗 同埋滿滿嘅粉絲😍😍安格斯牛肉亦唔肥 肉質好軟😍👍🏻
安格斯肥牛雜菜鍋
$158
8 views
0 likes
0 comments
🐱🐷總結：老闆同店員好貼心 會提醒唔同食物嘅享用方法 收碟速度亦都好快 食物種類亦都好多 下次要再試～
Post
