Video
Read full review
2009-09-15
52 views
黎左迪士尼, 夜晚就book左係呢到食buffet. 主要原因唔係因為呢到有咩食物好食. 而係因為可以同有d卡通人物係咁 "遠" 住黎影相. 所以未去之前對佢哋既有d咩食, 好唔好食都無咩expectation. 反而我最關心既係有幾多隻公仔會駐場~~~我哋book左6點鐘嗰場, 諗住食完buffet之後仲有時間消化! 我哋好準時6點鐘去到, 唔係好多人好似我哋咁早到. 所以我哋一去到就已經好快咁被安排入座. 一入到去已經見到minnie同mickey喇~~~ 不過因為今日一早留左肚食野, 所以一去到已經十分肚餓, 所以都係食左先講~~~食物既種類唔多, 正常數量. 同出面百幾二百蚊嗰d自助餐差唔多款式. 除左款唔多之外, 其實佢每一款每一次既供應數量都唔多! 一d大熱既食物, 例如魚生... 就算佢新一盤全新既ling出黎可能幾張枱都已經可以清晒. 不過呢到職員既refill速度都好快. 或者係第二個角度諗, 咁樣食物係public area停留既時候較短亦都會衞生d既~~~ 反正一定食到....原先我諗住呢個咁小朋友既地方甜品會係主打... 所以當見到品既種類只有十款左右確實有少少
我哋book左6點鐘嗰場, 諗住食完buffet之後仲有時間消化! 我哋好準時6點鐘去到, 唔係好多人好似我哋咁早到. 所以我哋一去到就已經好快咁被安排入座. 一入到去已經見到minnie同mickey喇~~~ 不過因為今日一早留左肚食野, 所以一去到已經十分肚餓, 所以都係食左先講~~~
食物既種類唔多, 正常數量. 同出面百幾二百蚊嗰d自助餐差唔多款式. 除左款唔多之外, 其實佢每一款每一次既供應數量都唔多! 一d大熱既食物, 例如魚生... 就算佢新一盤全新既ling出黎可能幾張枱都已經可以清晒. 不過呢到職員既refill速度都好快. 或者係第二個角度諗, 咁樣食物係public area停留既時候較短亦都會衞生d既~~~ 反正一定食到....
原先我諗住呢個咁小朋友既地方甜品會係主打... 所以當見到品既種類只有十款左右確實有少少失望. 而且大多味道普通. 不過個士多啤梨拿破倫同米奇頭型既朱古力碎曲奇就真係好好味. 拿破倫嗰幾塊皮好脆好好味. 頭嗰幾輪仲會有一舊minnie型既白朱古力. 不過後面再出嗰d就無左lu.
至於熱食方面, 佢個汁燒鱸魚好好味~~~ 又厚又嬾, 佢塊皮煎到脆脆地咁. 個汁又好味. 忍唔住不斷翻食呢個. 基本上我每一次出去都會ling一件. 呢個一定要食! 另外佢哋有一個concer係可以即場整意粉, 我點左個蕃茄汁煮扁意粉. 佢個蕃茄醬好濃好夠味. 一碟既份量控制得好好, 真係兩三啖就食得完. 不過意粉太易飽所以我只係食左一碟, 不過印象都好深!!!
今晚有4隻公仔係個場到走黎走去同人影相. 基本上佢哋係行完又行行完又行, 都唔怕話無機會同佢哋影相囉. 不過得2個鐘, 又要影相又要食野... 其實都幾趕! 另外, 當d公仔走過黎時, d staff會幫你用你部相機同埋佢哋既機影相, 佢哋幫你影嗰d一張$120. 成晚影左成十張, 我哋一張都無要到, 真係有d唔好意思, 不過確實太貴, 如果平d我都可能會買既!
staff 既服務態度好好, 無論係recep, 待應, 公仔們及其同行之工作人員都十分friendly, 完全係有顧客永遠是對的既感覺. 呢d服務態度真係好值得學習... 比貴左, 咪就係係方面囉!
Post