五要素食堂 (Closed)

今日係尖沙咀行街，係The One 見到呢間日式西餐廳「五要素食堂」, 仲以為係間素食餐廳😝睇完個MENU 覺得都幾豐富，有丼飯、沙律、漢堡包、Pizza、甜品同埋清酒😋仲有好多款牛肉既選擇添！✌🏾一於就入去試下啦！見到LUNCH MENU 都覺得性價比好似好高，不過因為比較晏去，所以就散嗌了～叫左一客燒美國黑毛和牛丼🥩聞落幾香，賣相又唔錯仲要D 牛遮晒D 飯，感覺幾足料！牛味幾香濃，仲愈食愈香 不過牛肉煎得比較熟，如果生少少，可能諗口感會更好呢！而丼飯既醬汁都係店家特調架，唔似一般燒汁，好特別同埋加左蒜頭，所以真係好香口！配埋日本珍珠米，飯粒好飽滿，連埋D 醬好快就清晒成個碗了🍚另外再叫左個靜岡煎茶香蕉焦糖批🍰呢個甜品雖然有茶，但因為同時有香蕉同埋焦糖，荼味唔會好出，口感似濕潤版本既Brownie，都幾好食如果想健康ｄ，可以唔好食晒d cream 呢!