素街 (Closed)

今晚去到觀塘工廠區搵食，就在中海日升中心一樓搵食期間，見到一間新開的素食店有晚市自助餐供應，每位只係$108，咁抵諗住支持下啦！ 餐廳裏面都有唔少人食緊，但好彩餐枱上面嘅食物都唔會話好混亂，亦唔會畀人攞晒啲嘢食。基本上長長的枱上，食物常有，refill嘅速度唔算慢。 食之前，我先行咗一圈， 睇咗有咩嘢食先，其實食物種類都好多，有成幾十款，有沙律、前菜、湯、雜物、熱葷、水果、甜品、粥粉面飯、飲料，樣樣都有， 而且每個category都有兩款以上讓你選擇。 食物嘅質素以呢個價錢來講我覺得完全收貨，當中我最喜歡吃的，就是碗仔翅、蝦多士和炸秋葵。蝦多士同炸秋葵炸到熱辣辣，又脆又好味。碗仔翅就非常足料，我飲咗兩大碗。另外黑松露炒蛋刈包同甜品都唔錯。