Video
Read full review
2005-03-06
18 views
其實圍住盧押道幾間酒吧都係好多鬼幫襯的。星期五，要應酬班洋鬼同行，一行十幾人拉隊來了這裡。又成年無來，氣氛仍好，有DJ即場打碟，又有電視睇ESPN，各適其適，不錯。樽啤、生啤選擇都多，生啤有健力士、Boddington、科士打等，歡樂時光全部半價，都算抵。大家圍住吧檯飲左幾轉，個南亞裔酒保都幾得意，氣氛好好。飲飲下就要食野，同個同事坐左埋一邊，叫左JB Club Pizza同JB三層公司三文治。不知是否叫野食的人多，都要等左一等至有得食。以水準計，兩樣都唔錯，薄餅是厚底，不油又乾身，不錯。餡料有芝士、雞肉同香蕉，加埋一層千島醬，無咁「漏」，因為飲左酒，所以輕易的吃了幾件；三文治也都製作認真，包逐塊烘過，雞肉亦烤過，加埋蛋、煙肉等，都唔錯，又食左幾件。食埋伴碟的幼身薯條，飽到十足。呢兩樣食物都係68蚊，幾抵食。幾位侍應姐姐都是南亞裔的，滿有笑容，一望向她就會微笑，實在令客人如沐春風。飲左兩個幾鐘，埋單一千四百幾，都數唔清飲左幾多，除開人頭計是一百三十幾，都算唔太貴。題外話：同事問我點解會來灣仔飲，我不置可否。背後的原因，其實是方便約了Openrice的食友去齊齊吃baby_sakana整
星期五，要應酬班洋鬼同行，一行十幾人拉隊來了這裡。又成年無來，氣氛仍好，有DJ即場打碟，又有電視睇ESPN，各適其適，不錯。
樽啤、生啤選擇都多，生啤有健力士、Boddington、科士打等，歡樂時光全部半價，都算抵。大家圍住吧檯飲左幾轉，個南亞裔酒保都幾得意，氣氛好好。
飲飲下就要食野，同個同事坐左埋一邊，叫左JB Club Pizza同JB三層公司三文治。不知是否叫野食的人多，都要等左一等至有得食。以水準計，兩樣都唔錯，薄餅是厚底，不油又乾身，不錯。餡料有芝士、雞肉同香蕉，加埋一層千島醬，無咁「漏」，因為飲左酒，所以輕易的吃了幾件；三文治也都製作認真，包逐塊烘過，雞肉亦烤過，加埋蛋、煙肉等，都唔錯，又食左幾件。食埋伴碟的幼身薯條，飽到十足。呢兩樣食物都係68蚊，幾抵食。
幾位侍應姐姐都是南亞裔的，滿有笑容，一望向她就會微笑，實在令客人如沐春風。
飲左兩個幾鐘，埋單一千四百幾，都數唔清飲左幾多，除開人頭計是一百三十幾，都算唔太貴。
題外話：同事問我點解會來灣仔飲，我不置可否。背後的原因，其實是方便約了Openrice的食友去齊齊吃baby_sakana整的焗香蕉雙層芝士蛋糕，有得飲有得食仲有甜品，是完美的一晚！
Post
