Cafe Prince Royal (Closed)

今次去開旺角花墟附近，而且到左晚餐時間，見到有間叫cafe Prince Royal嘅cafe，入面裝修簡約兼好有文青 feel，所以去試下。睇過menu，order左經典全日早餐、澳洲Deluxe漢堡餐，飲品有熱朱古力、熱朱古力咖啡及熱黑芝麻鮮奶，仲有是日芝士餅做甜品。經典全日早餐有窩夫、薯餅、蕃茄片、沙律菜、啡菇、香腸、煙肉同埋太陽蛋。份量好多，窩夫同薯餅趁熱食夠香夠脆，蕃茄片同沙律菜好新鮮，啡菇切粒上，好易入口，香腸煙肉煎得惹味，加埋太陽蛋係絕配。澳洲Deluxe漢堡餐包括澳洲牛漢堡、太陽蛋、啡菇、蕃茄、煙肉、沙律菜及台灣香腸，某部分配料同全日早餐一樣咁好食，特別要提澳洲漢堡扒超級juicy多肉汁而且牛味濃，台灣香腸又好鮮嫩肉味。熱朱古力、熱朱古力咖啡及熱黑芝麻鮮奶全部香滑，飲落暧笠笠，特別要提咖啡師拉花技巧好好，每個圖案都好靚。而味道醇厚嘅是日芝士餅為依餐劃上完美句點。