Video
Read full review
2023-05-04
57 views
喺元朗想打邊爐，想坐得舒舒服服，唔想踎大排檔又唔想去傳統酒樓，麻極係其中一個好選擇👍樓上火鍋店，設計走一點工業風⚙️，帶點玩味。最欣賞佢哋方超大，仲有好多卡座，無論兩小口、一家人、一大班人黎食，空間感都一定有，又無咁嘈吵，傾計都輕鬆啲。火鍋湯底選擇多，今次反撲歸真叫最清最簡單既 #芫茜皮蛋豆腐鍋，清清地又降火，除左豆腐芫茜仲加入雜菌，就咁飲都好清甜。配料走精品路線，用料靚又新鮮✨#麻極牛魔皇，一盤集合5款牛肉🥩：牛小排、一口牛粒、牛舌、手切肥牛、牛胸油。牛小排最好味，肉味油香也適中；一口牛很稔滑，手切肥牛嚼勁最好，牛舌薄切和牛胸油都好爽口。#鹹蛋黃墨魚丸，半份4粒，墨魚丸彈牙鮮甜，融合鹹蛋黃既甘香，味道更有層次不單調。#魚皮餃 都係店方手造的，每粒都脹卜卜好飽滿又好味。#紫菜響鈴 香脆有豆味，加入紫菜小朋友最喜歡。另外點了 #椒鹽魷魚鬚 和 #炸饅頭 兩款小食。魷魚鬚鬆化有嚼勁，炸饅頭點練奶是預期的美味。整體來講食物質素好，環境舒服，服務也有效率，沒限時可以慢慢食，都幾啱我哋重質不重量既要求，可以再黎。
樓上火鍋店，設計走一點工業風⚙️，帶點玩味。最欣賞佢哋方超大，仲有好多卡座，無論兩小口、一家人、一大班人黎食，空間感都一定有，又無咁嘈吵，傾計都輕鬆啲。
火鍋湯底選擇多，今次反撲歸真叫最清最簡單既 #芫茜皮蛋豆腐鍋，清清地又降火，除左豆腐芫茜仲加入雜菌，就咁飲都好清甜。
配料走精品路線，用料靚又新鮮✨
#麻極牛魔皇，一盤集合5款牛肉🥩：牛小排、一口牛粒、牛舌、手切肥牛、牛胸油。
牛小排最好味，肉味油香也適中；一口牛很稔滑，手切肥牛嚼勁最好，牛舌薄切和牛胸油都好爽口。
#鹹蛋黃墨魚丸，半份4粒，墨魚丸彈牙鮮甜，融合鹹蛋黃既甘香，味道更有層次不單調。
#魚皮餃 都係店方手造的，每粒都脹卜卜好飽滿又好味。
#紫菜響鈴 香脆有豆味，加入紫菜小朋友最喜歡。
另外點了 #椒鹽魷魚鬚 和 #炸饅頭 兩款小食。魷魚鬚鬆化有嚼勁，炸饅頭點練奶是預期的美味。
整體來講食物質素好，環境舒服，服務也有效率，沒限時可以慢慢食，都幾啱我哋重質不重量既要求，可以再黎。
Post
