Fullhouse Signature (Closed)

朋友生日想食西餐，於是揀左這間餐廳。一見門面就想影相，好夢幻feel，啱哂一班女仔約出來食飯傾計。睇左menu，決定唔要set dinner，因為甜唔唔啱食。5個女仔揀左4個main course，前菜拼盤，同甜品拼盤。前菜拼盤有多款小食，其中我比較喜歡炸雞同蕃茄。多款主菜中，豬肋骨最好味，個汁都好開胃。我覺得個T bone肉質唔太嫩，不過味道還可以。最期待係個甜品拼盤，因為朋友生日，所以加$30加多個生日朱古力牌。心太軟最好味，溶出朱古力醬好濃郁。奶凍嘅奶味十足香滑。綜合而言，食物唔錯，加上環境清靜，裝飾夢幻，啱哂女仔影相傾計。