COSMOS

Open Now

Now Closed

因為考慮到最近疫情，所以揀咗呢間有獨立房間嘅餐廳，盡量避免人多空間。房間唔係好大，如果真係講座得舒服嘅，兩個人都OK。但係如果三個人，另外一個人就要坐啲骰仔凳。知道有得唱Ｋ，係戴耳機播伴奏模式唱Ｋ。但係如果你真係要唱，一定要要求其他朋友戴上耳機。如果唔係，聽到你喺度清唱會覺得好尷尬兼好好笑。 （補充：比較少新歌）所以如果你真係想去唱K嘅，都係揀返K房啦😂講到食物，我哋一共三個人。叫咗set dinner + 薯條及雞翅小食。set dinner 選擇有三款，我哋點左其中兩款。一款係牛排，另外一款係龍蝦汁大蝦意粉。由於前菜實在冇乜特別，所以就唔多講！湯超級無味，好似溝水咁。主菜牛扒，好似出邊街市超市醃製好、醃肉粉味勁重兼無牛肉味嘅牛排。冇得揀幾成熟，冇得揀汁... 真係好唔掂（收$288！）大蝦意粉，同係一般茶餐廳食冇分別（收$2XX！）我哋都冇食晒啲嘢，因為味道實在好難接受。最後連甜品都無食，直接去樓下冰室食第二轉......... 佢哋有兩種收費，一：揀set dinner, 二：可以單點，但每人最低消費$259 （未含服務費）成餐扣埋 discount, 埋單三個人$8XX 蚊。