老夫子餐館 (Closed)

晨早流流去咗老夫子餐廳食早餐，呢間餐廳至少有五年冇嚟過，雖然佢非常近我。因為上一次覺得嘢食麻麻地，今次決定俾多次機會佢。我嗌咗個仿鮑魚絲火腿通粉，依家佢哋自助落單，好多嘢可以自選，例如煎蛋炒蛋、烘唔烘底、多牛油少牛油、啲麵淋啲爽啲。食物其實普通啦，佢啲嘢食同老夫子其實冇關連😂又唔係老夫子食嘅嘢，純粹係裝修佈置有啲卡通喺度。求求期期食個早餐都還可以嘅。我叫咗個公仔麵偏淋，但係都係比較爽口，其中一塊多士叫咗加烘，但係都係同另一塊一樣。嘢食品質仲係維持着麻麻地😮‍💨