龍泉私房菜

Open Now

Now Closed

這是連續第八個年頭的Blog友聚會，平日各有各忙，但每年九月，我們都有個九月之星聚會。朋友推介呢度及她幫忙訂檯，我們訂了每位308的鮑參翅肚海鮮餐。坐低先送上汽水，再逐一上菜。套餐有:生拆蟹肉扒金山勾翅(份量很足，冇欺場，味道也很好)，花雕蛋白蒸蟹(上檯時已聞到花雕的香味，蛋白很滑，蟹也很鮮味)，原隻鮑魚扣山珍海味(鮑魚仔炆得好入味，冬菇又焾又入味，花膠仔也很入味)，游水海班(蒸的火路剛剛好，魚很滑嫩)，天下第一雞(皮脆雞肉嫩，抵佢自誇天下第一雞)，招牌三色蝦(炸芝士蝦丸/黃金蝦好酥又有咸旦的咸香/煎蝦也很入味，蝦很新鮮)，金銀蒜粉絲蒸元貝(呢個過咗少少火，蒸得有少少老)，瑤柱扒時蔬(味道Ok,但個獻汁較杰)，飄香炒飯(炒得很乾身，味道還可以)，另送了芒果布甸作飯後甜品(芒果布甸太稀，完全唔掂，但都是店的心意嘛！)我們這班朋友，大多是識煮及愛吃的人，也有位是出書教人煮餸及做甜品的。總括大家的食後感，除了個甜品唔掂外，基本上樣樣都唔錯。而我個人而言，也會推介比其他親朋好友，抵食，好食，招呼週到。