吉豚屋吉列豬扒專門店 (Closed)

由日本開設過嚟既海外第一分店-吉豚屋一向都係好多市民尋找豬扒質素唔錯而價錢又便宜既地方，食過幾次雖然有時水準不算太穩定但整體都係唔錯。店內餐牌上有唔少選擇，例如吉列豬扒，豬柳，雞扒甚至沙律都有。而汁方面有和風汁，咖哩汁，豬扒汁同芝麻醬。呢碗係隨豬扒定食附送既野菜豚肉湯(小)，有紅蘿蔔，蘿蔔，大蔥同豚肉等材料，味道幾香濃。吉列豬扒定食($65)，除左豬扒之外有湯同飯。豬扒雖然無咩肉味，但豬扒同炸漿無分離既情況出現，豬扒肉質鬆化，唔會太chewy，幾香脆，咁既價錢有咁既質素其實算唔錯。整體嚟講，吉豚屋既價錢係平，而質素雖然同頂級有一大段距離但其實咁既價錢有咁既質素又真係無咩可以挑剔。