Video
Read full review
2009-06-13
11 views
睇報紙見到呢間餐廳嘅介紹，咁啱呢日打算來銅鑼灣，好，就來試試它吧！其實之前都睇過有關呢間餐廳嘅介紹，知道佢以用優質食材，例如北海道牛奶同青島靚雞蛋等來做賣點，於是點了在報紙上有介紹的食品，看看是否真係咁優質。兩公婆叫了一個北海道套餐（叉燒意粉+火腿炒蛋+鮮油多士+北海道咖啡）同一個三文治餐（3吋北海道3.6鮮牛奶炒蛋治+熱咸檸水）。個叉燒意粉先到，賣相同水準都唔錯，湯底好味，叉燒係半肥瘦，正！個多士同火腿炒蛋後上，都好好味，特別係個炒蛋，炒得非常嫩滑，蛋汁豐富，正！老婆叫的蛋治跟住就到，嘩！乜真係咁厚嘅！實在太大件了，結果佢都食唔晒，要我幫佢食左四分一件。至於水準方面，d蛋同樣做到夠晒嫩嘅效果，抵讚！不過個杯北海道咖啡就有d失望，無期望中咁好味，奶味不夠濃，也不夠熱，顯得較為失色。其實呢度雖然店子小小，但係都算幾舒服，食物選擇雖然不算多，只係集中在一些大路的食物上如各式飲品、簡單的意粉、通粉、三文治等，飯都只係得一種，不過食物係貴精不貴多的，只要有水準就得啦！而且呢度個侍應小姐的服務態度都幾好，好有禮貌，美中不足嘅係，可能佢實在太忙啦，初頭落完單之後竟然漏了寫我老婆個餐，後來在我地追問
其實之前都睇過有關呢間餐廳嘅介紹，知道佢以用優質食材，例如北海道牛奶同青島靚雞蛋等來做賣點，於是點了在報紙上有介紹的食品，看看是否真係咁優質。兩公婆叫了一個北海道套餐（叉燒意粉+火腿炒蛋+鮮油多士+北海道咖啡）同一個三文治餐（3吋北海道3.6鮮牛奶炒蛋治+熱咸檸水）。
個叉燒意粉先到，賣相同水準都唔錯，湯底好味，叉燒係半肥瘦，正！個多士同火腿炒蛋後上，都好好味，特別係個炒蛋，炒得非常嫩滑，蛋汁豐富，正！
老婆叫的蛋治跟住就到，嘩！乜真係咁厚嘅！實在太大件了，結果佢都食唔晒，要我幫佢食左四分一件。至於水準方面，d蛋同樣做到夠晒嫩嘅效果，抵讚！不過個杯北海道咖啡就有d失望，無期望中咁好味，奶味不夠濃，也不夠熱，顯得較為失色。
其實呢度雖然店子小小，但係都算幾舒服，食物選擇雖然不算多，只係集中在一些大路的食物上如各式飲品、簡單的意粉、通粉、三文治等，飯都只係得一種，不過食物係貴精不貴多的，只要有水準就得啦！而且呢度個侍應小姐的服務態度都幾好，好有禮貌，美中不足嘅係，可能佢實在太忙啦，初頭落完單之後竟然漏了寫我老婆個餐，後來在我地追問之後先補番，要扣少少分呢！
雖然呢度對自己來講係遠左d，不過為左佢嘅高水準炒蛋，我都會再來的。
Post
