咖啡亭 (Closed)

同一大班老友去食，老婆打去問有生蠔，就即訂位。去到之後發現個場都幾細，我地係食8點半嗰一part，食到11點，時間都ok。食物款式唔多，但啲食物質素係高，例如生蠔有2款選擇，有南非and海水，南非味道比較鮮啲，海水口味重啲，即係比較咸啲；阿拉斯加蟹腳都係比較咸，而响螺我就覺得幾好食，唔係一般酒店嗰啲翡翠螺；仲有就係好值得推薦就係個中湯，好甜👍。牛扒同生文魚我就覺得冇乜特別佢會送一啲熟食個食物出嚟，例如雞亦，同芝士焗龍蝦，都幾特別；甜品方面大家記得要食個燕窩燉蛋。有讚當然有彈，粥比較淡，食物款式真係比較少。另外一樣係特別想講，服務員服務好好，值得嘉許！