Friendmily (Closed)

一行四人訂左呢間餐廳，因為網上評價唔錯，又見過野食OK，甘就過黎試下啦。呢間餐廳係工廈入面既，唔好以為甘樣裝修就差..入到去, 裝潢都唔錯架，唔差過地鋪...但係..因為佢樓底真係唔高..再加上爆場..成個環境係爆嘈..好嘈好嘈好嘈好嘈好嘈好嘈好嘈...嘈到連平時講野都好夠中氣既我地再要大聲D講野先互相聽到大家既內容。最後食完飯大家既喉嚨都好攰。食物幾好食既，賣相係唔錯既。但係可能係太多人同唔夠人手既關係，上菜真係好慢..我地叫左個意粉，起碼過左半個鐘先上黎，第一次吹過炒緊，第二次話焗緊..但上到黎既時候隻碟係凍既.....如果..佢地可以改善一下人手不足同過度收客既問題，可能會更加吸引多D客人黎幫襯。