嚐聚素食 (Closed)

今日約咗舊同事午餐短聚，因為朋友係食素的所以選擇食呢間。點知中伏令大家都十分失望。我們12點30分落單，等咗10分鐘有人過黎叫我地轉餐因為之前個餐會等得耐。 點知我地轉了，等到1點第一個餐終於黎啦. 之後先同我講我個餐d菠蘿今日唔甜叫我轉(菠蘿炒飯)。 又轉? 我再轉即又要等。唔知等到幾點先有得食。最終我係等了1個鐘都無嘢食！ 重點係佢10分鐘前我朋友聽到佢同後面枱客講同一個提議~菠蘿唔甜要轉餐)點解佢當時唔同我講埋呢？重有一個餐只係番茄烏冬等到1點20分先黎。本來我地已經決定離開，不過俾面食埋先走，點知個湯喊到無朋友。 一個午餐時間係最忙最多人的時候，厨房，門面都唔得，點做落去. 佢地今日應該得罪咗好多客，亦會小咗一批客。